Diabierna madruga durante patruya na Alto Vista polisnan atento di distrito 2 (Noord) a nota un chauffeur spanta ora a wak polis y a par’e pa un control. Pa di prome e no por a mustra rijbewijs ni permiso pa ta legalmente na Aruba. Ora polis a controla den e auto a bin haya hopi placa y droga, polis a confisca placa, droga y e auto. Ademas a detene e chauffeur pa tramita su expulsion for di Aruba.
