Diasabra atardi a drenta informe di un accidente cu hende herida na e crusada pariba di Bright Bakery na Piedra Plat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda unToyota Vitz a sali sin duna preferencia na e Hyundai Getz y nan a dal den otro. Debi na e impacto un mucha y un adulto a resulta herida. Na yegada di e ambulans nan a revisa e victimanan na e sitio mes.
