Bucuti & Tara Beach Resort ta Adopta UN Sustainable Development Goal 3 pa un Awe y Mañan mas Saludabel

EAGLE BEACH, Aruba – 6 di Maart, 2024 – Bucuti & Tara Beach Resort, Aruba ta continua di anuncia su compromiso pa promove e Metanan di Desaroyo Sostenibel (SDGs) di Nacionnan Uni, unda cual e ta ya caba activamente adoptando casi tur. Esun cu nos ta bai mira awe ta SDG 3: Bon Salud y Bienestar, cu ta enfoca pa garantisa un bida saludabel y promove bienestar pa tur na tur edad, den su operacionnan, experiencia di huesped y alcance comunitario. Esaki ta e mas reciente mientras cu ta sigui revela e SDGs cu ta fortalece un vakantie na e prome y unico hotel certifica carbono-neutral den Caribe.

Sostenibilidad ta hancra den henter e operacion y experiencia di e resort. Pa medio di un serie di iniciativa inovativo y asociacionnan, Bucuti & Tara ta sigui pone e standard pa practicanan di hospitalidad sostenibel den Caribe. E resort ta un propiedad independiente, maneha pa su doño cu ta traha incansablemente pa reinverti den su infrastructura, personal, comunidad y huespedes. Puntonan principal di e compromiso di e resort pa SDG 3: Bon Salud y Bienestar ta inclui:

Enfoke riba huesped.

Bucuti & Tara ta ofrece huespednan un programa amplio di bienestar (wellness) guia pa specialistanan certifica, diseña pa promove bienestar fisico, mental y emocional. For di sesionnan di yoga of personal training, y meditacion riba lama te na opcionnan di cuminda saludable prepara den porcionnan regula, huespednan tin acceso na experiencianan holistico cu ta rejuvenece e curpa y alma pa un bida optimo y sigur. E resort ta ofrece huespednan acceso na facilidadnan di fitness innovativo, incluyendo un gimnasio completamente ekipa cu bicicletanan y mashin di cana cu ta genera electricidad y un cabana pa tratamento di spa na canto di lama. E resort por asisti huespednan cu huur di bicicleta y vehiculonan electrico pa explora e isla y reduci emision di carbon.

Huespednan por relaha sabiendo cu nan ta keda na un resort cu ta protehe e aire cu nan ta respira danki na purificadonan di aire y humidificadonan. E awa di kranchi di nos isla ta entre esnan cu calificacion mas halto segun e Organisacion Mundial di Salud, pero pa mayor seguridad e resort ta uza tecnologia UV pa preveni legionella of e procreacion di cualkier bacteria of pathogeen. Ademas, cada huesped ta ricibi un cantina como regalo pa yena awa cada biaha durante nan estadia pa preveni e consumo di botter di awa di plastic. Cambernan ta wordo limpia y desinfecta cu protocolonan hospitalario y di tecnologia halto.

Enfoke riba personal.

Ofreciendo un experiencia saludabel pa huespednan ta cuminsa localmente cu cuido pa e recurso mas valioso di e resort, su asociadonan keri. Tin protocolnan riguroso na lugar asegurando cu cada miembro di personal tin un luga di trabou sigur y saludable. Limpieza ta involucra solucionnan di limpieza eco-friendly y sin quimiconan toxico, y entrenamento continuo ta tene personal informa di e mehor practicanan. Bucuti & Tara ta duna membresia di gym pa empleadonan na Cuts and Curves, seguro priva, programanan y oportunidadnan di educacio, apoyo pa salud mental di empleadonan, entrenamento di diversidad, equidad y inclusion, cuminda nutritivo durante break y un ambiente liber di huma. Na luga di fiestanan di dia festivo pa empleadonan, cada miembro di personal ta ricibi un canasta di cuminda abundante. Durante e momentonan mas dificil di e pandemia, Bucuti & Tara tabata un di e unico companianan na Aruba cu a mantene 100% di su personal emplea pa nan bienestar y esun di nan famianan riba un isla unda 90% di su GDP ta deriva di turismo. Ayudando personal pa alcanza solucionnan sostenibel den nan bida diario, e resort tambe ta duna green loans pa vehiculonan electrico, energia solar y mas.

Enfoke riba comunidad.

E resort ta involvi activamente cu e comunidad local pa promove salud y bienestar. Pa medio di asociacion cu scolnan, proveedornan di cuido di salud, y organizacionnan non-profit, Bucuti & Tara ta apoya iniciativanan cu ta mehora acceso di cuido di salud, educacion, y oportunidadnan recreativo pa tur residentenan di Aruba. E esfuersonan extenso aki ta inclui establece y ta e mayor sponsor di Stimami Sterilisami, cual ta un fundacion cu ta subsidia sterilisacion di cacho y pushi pa asina yuda controla e sobrepoblacion di cacho y pushi riba caya. Desde 2016, e resort a yuda funda alrededor di 37,000 sterilisacion di cacho y pushi local. Ademas, e resort a yuda den programanan pa educa muchanan di scol con pa cultiva y bira empresarionan bendiendo nan cosecha na e restaurante di e resort, un evento recien di inflacion di taira pa consumi menos gasolin, y tin un asociacion cu Universidad di Aruba pa estudio di medio ambiente, hospitalidad, y mucho mas.

Conservacion ambiental.

Bucuti & Tara ta traha duro pa preserva y protehe e beyesa natural di Aruba pa futuro generacionnan. Manera e Doño/CEO Ewald Biemans ta comparti, “Nos no ta den e negoshi di turismo, nos ta den e negoshi di naturalesa. Hende ta bin di tur parti di mundo pa experiencia e beyesa natural di Aruba, specialmente nos lama di santo blanco suave y awa turquesa cla. Mi a muda aki 50 aña pasa. Mientras mi a mira e costa pristino bira yena cu gruanan di construccion jegando te ariba pa construi mega-resortnan y tur dia mi ta presencia con nos recursonan natural ta cabando cada biaha mas rapido cu nos por sosteni.”

Bucuti & Tara ta e prome y unico hotel certifica carbono-neutral den Caribe. Su structura extenso ta inclui mas cu 400 iniciativanan implementa mientras e resort ta acercando mas cerca na Net Zero. Por medio di iniciativanan directamente relaciona cu SDG 3 manera limpiesa di lama pa huesped y personal, esfuersonan di conservacion marino, practicanan sostenibel di mantencion di tereno y e debut di su carbon sink, The Bucuti Tara – GMC Nature Preserve, e resort ta minimalisa su impacto ambiental y ta proteha e salud di e eco sistema di e isla.

“Como solamente uno di e custodionan fiel dedica na paraiso bunita di Aruba, Bucuti & Tara ta reconoce e importancia di duna prioridad na e salud y bienestar di nos huespednan, personal, y comunidad. Door di incorpora Meta di Desaroyo Sostenibel 3 den nos operacionnan di resort, nos ta enrikeciendo e experiencia di e huesped di un manera cu nos ta spera cu nan lo por bay dilanti mientras tambe ta haci un impacto positivo riba sociedad y medio ambiente.”

E compromiso di Bucuti & Tara Beach Resort pa SDG 3 ta un ehempel di su dedicacion pa turismo responsabel y ta establece un precedente pa practicanan di hospitalidad sostenibel mundialmente. Door di duna prioridad na salud y bienestar, e resort ta sigui inspira huespedes y coleganan den industria igual pa uni den e caminda pa un futuro mas sostenibel.

Huespednan ta busca mas y mas biahenan orienta na sostenibilidad.

Mientras cu bai cu vakantie ta keda tin su escape atractivo di loke ta bida diario y tin experiencianan nobo, biaheronan di awe tambe ta buscando biahenan orienta na solucion sostenibel y inovativo. Conseheronan di biahe di luho, Virtuoso, a revela su top 9 ‘must-have’ experiencia di biahe pa 2024 y entre e criteria cu biaheronan ta buscando ta: wellness. Sostenibilidad como un otro criterio ta sigui crece mientras cu biaheronan ta mira pa practicanan consciente, respet pa comunidad na e destinonan cu nan ta bishita – algo cu Bucuti & Tara ta duna bonbini y ta yudando nan haci esey.