Diahuebs mainta un polisnan di Sanicolas durante patruya a bin top un accidente cu basta daño material y 3 auto envolvi, mesora nan a para baha y check kiko lo pasa y si tin hende herida. A bin resulta cu e chauffeur di un Subaru Legacy bayendo direccion pariba a pega soño tras d stuur y a bay dal riba un Nissan Sentra y despues a bay dal riba un Toyota Pick-up. Afortunadamente ningun hende a resulta herida pero ningun di e 3 autonan por a sigi core riba su propio forsa. Mirando cu e Nissan Sentra no tabata tin ningun documento na ordo polis a confisca esaki den beslag.