EAGLE BEACH, Aruba – 26 di Maart, 2024 –  E aña aki atrobe Bucuti & Tara Beach Resort a participa activamente cu e inciativa global, Earth Hour, riba 23 di Maart. Entre otro, e resort a colabora cu Space and Nature Aruba Foundation y crea un itinerario completo di iniciativanan atractivo pa participantenan internacional y local uni na e practica anual di “paga luz”.

 

Paga coriente pa ta mas conciente

Earth Hour a cuminsa na 2007, y ta conoci pa e momento di “paga luz” – un evento simbolico pa mustra apoyo colectivo pa e planeta. Sostenedonan ta cubri mas cu 190 pais y territorio, y ta uni hunto pa asina  comparti cu tur hende dor di paga/baha coriente di 8:30 p.m. te cu 9:30 p.m. y ta invita participantenan pa haci actividadnan cu ta sostenibel. E evento anual ta un recordatorio pa e comunidad global cu cada ora ta conta. E aña aki, participacion di Bucuti & Tara a resulta den 985 oranan combina di participacion di trahado y huesped pa Earth Hour 2024.

 

Creando vakantienan cu ta stimula cambio

Huespednan na e prome y unico hotel certifica carbono-neutral den Caribe a disfruta e oportunidad pa observa loke ta wordo yama “E Ora cu Por Cambia Mundo” pa medio di un variedad di experiencianan dedica na Earth Hour na e resort.

 

Miembronan di Space and Nature Aruba Foundation a trece telescop potente y a comparti nan experticio cu huespednan cu tabata mira strea na e lama dilanti Bucuti & Tara na Eagle Beach. Parehanan tambe por a  admira e espectaculo di luz di Madre Naturaleza riba un beach lounger complementa cu un botter di Champagne y un variedad di pasaboca.

 

Otronan a scoge pa un Cena Consciente di Earth Hour guia pa Chef Ehecutivo Alexander Powell y su ekipo culinario. E experiencia culinario na Elements restaurant a honra planeta. Ingredientenan tabata di fuente nan responsabel y ta consisti di articulonan fresco, friu of na temperatura di camber. Platonan cushina tabata prepara usando menos energia y evitando uso di combustibel fosil incluyendo stof di induccion cu ta transferi casi 90% di e calor genera na e casuela enbes di solamente 38% cu stof di gas y 70% cu stof electrico. Como un beneficio, ya cu e cushina no ta asina cayente, menos aire airconditionado ta ser consumi den e resort. Ademas, e consumo di energia den restaurant ta bin di fuentenan renobabel.

 

Huespednan tambe por a  participa den un sesion special di meditacion  guia door di Shanti, un instructor respeta di meditacion y yoga na Aruba. E meditacion di Earth Hour tabata centralisa rond di reconecta cu mundo y naturalesa. Pa termina e anochi tabatin un presentacion di ‘Movies Under the Stars’ cu e pelicula Kiss the Ground.

 

“Bucuti & Tara Beach Resort ta encanta di honra Earth Hour, como tambe Earth Day y tur otro dia dedica na e conscientisacion di e importancia di cuida nos unico cas: nos planeta. Nos ta felis di por crea un oportunidad unda no solamente nos huespednan cu ta bishitando nos for di varios parti di mundo por participa, pero tambe nos localnan,” Ewald Biemans, Doño/CEO di Bucuti & Tara Beach Resort ta comparti. “Huntu, dor di haci un diferencia localmente, nos ta haci un diferencia globalmente.”