Sra. Prome Minister mr. Evelyn Wever-Croes a anuncia awe cu Aruba ta bay haya bek e yabi di refineria y terminal. Esaki ta pa permiti gobierno di Aruba busca otronan cu ta interesa den opera e terminal y e waf, y e refineria tambe. Esaki despues cu AVP a mara pueblo fi Aruba na un contracto sin pia y cabes pa probecho personal di esnan envolvi.
REFINERIA
Cu e firmamento di e MoU, Gobierno di Aruba por cuminsanegocia cu otro partidonan interesa. Ya caba tin un lista di 25 compania cu a expresa nan interes den ultimo tempo, sinembargo Gobierno no por a negocia cu nan, pa haya sa si nan ta partnernan serio. Awor si esaki ta posibel. Adicional Gobiernolo bai busca activamente na mas inversionista, entre otro door di tene un “road show” na Houston, caminda tin inversionistananserio.
INVOLVIMIENTO DI SINDICATO
Riba peticion di sindicato, empleadonan tambe lo wordo envolviden e proceso aki. Gobierno ta buscando un partner serio, cu tine fondo pa inverti mesora den e refineria, pa hasie un refineria‘state of the art’, cu ta cumpli cu normanan medioambiental, cu ta paga nan “fair share” na pueblo di Aruba y cu ta trata suempleadonan bon.
TERMINAL Y WAF
Minister President a duna di conoce cu e firmamento di e MoU, Gobierno ta haya control di e waf y di e tankinan. Tur hende ta corda e bon temponan di “Wickland Oil”, cu a opera e tankinancu hopi ganashi. Gobierno di Aruba ta bai percura pa bolbe haciesaki bira uno hopi exitoso cu ta genera hopi entrada pa gobierno, y cu lo crea hopi cupo di trabou.
PA CONCLUI
E punto di salida di Gobierno, manera sra.mr. Evelyn Wever-Croes a trece pa dilanti ta cu tur empleado mester keda cu nan trabou, en todo caso mas tanto empleado posibel. Atraves di negosacion di Gobierno a pone como condicion mas importantepa Citgo cu nan mester paga tur loke nan debe na trahadornan, contratistanan y otronan cu nan debe. Empleadonan ta importante pa gobierno y nan interesnan mester bin na prome .
Nos kier reitera cu, Fraccion di MEP, ta sostene Prome Minister sra. Evelyn Wever-Croes den tur su esfuersonan pa logra un reapertura real di nos refineria
