Diamars atardi a drenta informe di alarma pa un avion di Delta airines cu a caba di lanta a haya un “birdstrike” y ta regresa Aruba, mesora a alerta polis, ambulans, bomberonan y otro personalnan di emergencia na airport. Ta asina cu e vuelo di Delta Airlines DL581 a lanta cu 175 pasahero rumbo Atlanta, pero manera ela lanta e motor #1 a haya un “Birdstrike” unda e motor #1 a tira por lo menos 3 biaha y saca candela y huma preto ora ela lanta. Pa e por sigi cu e vuelo e piloto a prefera baha na Aruba bek pa un revision. E piloto a manda e mensahe cu nan ta regresa Aruba y tin 3200 liber di fuel panort di Aruba, mientras autoridadnan di emergencia a prepara pa un aterizahe di emergencia. Despues di a ateriza sano y salvo e revision a extensivo a ser haci pa mecaniconan aereonautico y di direccion di aviacion, mientras a saca un otro vuelo pa recoge e pasaheronan y hibanan pa nan destinacion y diaranson despues di cu mecaniconan local pone den condicion lo sali unicamente cu e personal di cabina pa Merca unda ayanan lo revise mas profundo.