Diabierna atardi a drenta informe di un incidente cu hende herida dilanti Centro di Bario y Deporte Dakota, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un mucha cu a bay hisa un flie riba e parkinglot dilanti e centro di bario y na un dado momento a bini un biento fuerte cu a ranca e mucha mand’e bay dal riba un Van staciona riba e perkinglot. E impacto tabata hopi fuerte cu a laga e mucha ta keha di bastante dolor. Na yegada di e ambulans nan a atende e mucha y a transporte pa hospital.