Oranjestad – 05 di februari 2020 – Aruba Bank lo ta presente, na Autonights, diahuebs dia 6 di februari 2020 for di 6’or di atardi pa 9’or di anochi na Garage Centraal. E evento organisa tur luna pa Garage Centraal ta na un orario adapta pa acomoda clientenan cu no ta alcansa bishita e car dealer durante oranan di trabou.

Aruba Bank a uni cu e car dealer den nan esfuerzo pa brinda un miho servicio, mas rapido y eficiente. Representantenan di Aruba Bank lo ta disponible pa contesta tur pregunta “on the spot” y duna clientenan conseho tocante di e compra di nan proximo auto.

Specialmente pa e ocasion aki, Aruba Bank ta ofreciendo un interes di 6.5% riba modelonan nobo, combina tambe cu un oferta “buy now, pay later” cumpra awo y paga den 90 dia (3 luna), en conexion cu e celebracion di Aruba Bank su di 95 aniversario.

E cliente cu cumpra un auto cu ta costa 50 mil florin of mas, por scoge pa un financiamento cu un duracion di seis aña y cliente cu cumpra un auto cu ta costa 70 mil florin of mas, por scoge pa un financiamento cu un duracion di shete aña. 

Nos ta invita tur cliente existente y esnan interesa pa bishita Garage Centraal diahuebs awor y papia cu un representante di Aruba Bank pa e oferta special riba bo prestamo pa auto.