Diadomingo anochi a drenta informe di un accidente cu hende herida na Hooiberg, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda e chauffeur di un Chevrolet Aveo no a regula su velocidad ni a mantene distancia a bay dal fuertemente tras di e Kia Rio su dilanti. Debi a na fuerte impacto e chauffeur den e Kia a resulta herida. Na yegada di e ambulans nan a atende e victima levemente herida na e sitio mes.