Diasabra mainta a drenta informe di un accidente cu hende herida y huma ta sali for di e auto na Hooiberg. Mesora a dirigi tanto polis como ambulans y brandweer na e sitio. Na yegada di e patruya a bin compronde cu e chauffeur di SUV lo a perde control y a bai dal den un palo di luz. E impacto tabata fuerte y e chauffeur a resulta herida. Na yegada di e brandweer nan a kita e bateria y a controla e auto pa si e tin candela. Na yegada di e ambulans nan a atende e victima. Polis a pidi presencia di e ELMAR pa asina nan por drecha e palo di luz. Polis a tuma datos di e accidente aki.