ORANJESTAD – AMR ta cuminsa cu un sistema nobo (online), consecuentemente no mester traha un cita mas pa entrega AMR 2024. Esaki lo por haye riba nos website: www.dpl.aw

Prome paso ta: Registra bo Compania (Request Company Account)

Aki e Compania lo mester yena su informacionnan, agrega e documentonan cu nos ta pidi y mande pa nos. Ora cu nos ricibi e Registracion di e Compania, nos ta controla y si tur informacion y documento ta corecto, nos ta ACTIVA e Compania su account.

Solamente si tin falta di documento(nan), nos lo manda un coreccion via email cu loke a yena den Registracion di e Compania. Manera cu ACTIVA e Compania su Registracion, por sigui sin cita, pa yena e AMR 2024.

*Registracion di Compania 2024:

1. Bay riba nos web site: www.dpl.aw
2. Bay riba e balki mas ariba y click riba: FORMULARIONAN
3. Scroll bay abou y ta click riba: PROGRESA
4. Riba e screen di LOG IN, na e parti mas abou, unda ta wak ”Is it a company?”, banda di dje tin un hoki di REQUEST COMPANY, ey mester click ora un Compania ta bay registra pa prome biaha.

Pa mas informacion of pa cualkier pregunta por yama nos libremente na 521-5555 /

521-5510 of por manda nos un email na: amr@dpl.aw