Plan di Mayor Aruba, lo bai analysa 3 anja di casonan den corte cu ta relata na muchanan cu a pasa den un divorcio.

 

ORANJESTAD –

 

E nececisidad di ,LEY PLAN DI MAYOR, cu ta un ley cu despues di analysa estudionan internacional, y comparanan cu nos datonan local, a resulta di ta un necesidad grandi pa Aruba. Estudionan internacional y multicultural ta demostra cu e co-relacion entre separacion y efectonan a corto plazo y largo plazo riba e mucha su salud mental y fysico ta un impacto riba su bida social.

 

E effectividad di e intervencionan ofreci na mayornan y yuinan cu ta atraveza e dificil temporada di separacion brinda na Plan di Mayor, ta basa riba evidencia scientifico riba tarima internacional. Pa por adapta y disena e intervencionan na nos cultura y situacionan local ta rekeri pa nos por profundisa muchu mas nos cultura y situacion local.

 

Desde ana 2020 Plan di Mayor conhuntamente cu Centraal Bureau Statestiek Aruba a bin ta analysa e cifrasnan di divorcio en coneccion cu nos muchanan. E anja aki lo tuma lugar dos estudio importante pa asina por monitoria e efectividad di e ley Plan di Mayor y e intervencionan proponi.

 

Den colaboracion cu CBS Aruba, Universidad di Utrecht, Universidad di Aruba y Corte di Prome Instancia lo analysa tur e casonan di divorcio entre e anjanan 2020 y 2022 na unda ta ensera muchanan menor di edad. Datosnan manera edad di e muchanan y tambe si e muchanan a wordo scucha ta importante pa ser registra. Asina lo por analysa con e situacion tawata prome cu e introduccion di e ley. Ta premira cu e introduccion di Ley di Plan di Mayor dia 1 di Maart 2024 lo stimula un crecemento den e grupo di mayornan cu ta practica co-ouderschap, y lo trece cune mas concientisacion riba tur e elementonan cu e mayornan tin cu tene na cuenta den Crianza di nan yuinan. Alavez lo stimula mas participacion den Crianza di e muchanan entre e mayornan cu a abandona e hogar. Al fin y al cabo, mayor, bo ta pa semper!