Oranjestad – E anticipacion ta creciendo mientras nos ta cerca di e Weganan Interinsular 2024. E atletanan di dammen di deporte escolar ta trahando duro bou e guia di nan entrenador Annelaine Jacobs. E pasion y dedicacion ta evidente mientras nos atletanan ta enfoca completamente den e mundo, estrategico y habilidad preparando pa briya den Weganan Interinsular.

 

Nos muchanan ta demostrando un progreso impresionante danki na entrenamento pa asegura cu nan ta completamente prepara pa enfrenta nan oponentenan di Bonaire y Curaçao. E entrenamento ta programa pa e ultimo simannan prome cu e competencia cu sesionnan riba diasabra 24 di februari di 10:00 pa 11:30, diadomingo 25 di februari di 2:00 pa 3:30 pm y diaranson 28 di februari di 5:00 pa 6:30 pm. Cada momento ta crucial pa afina estrategianan y habilidadnan necesario pa conquista e medaya.

 

E federacion di dammen, situa na Sun Plaza Mall, ta e corason di e movimento di dammen na Aruba, ofreciendo un espacionan ideal pa entrenamento y desaroyo di e deporte akii.

 

IBiSA orguyosamente ta apoya e team di dammen y ta desea tur e atletanan, lo miho durante e preparacion. E dedicacion y esfuerso di cada atleta ta un inspiracion pa nos comunidad deportivo y nos pais. Nos ta confia cu nan lo representa Aruba cu honor y orguyo, demostrando e espirito competitivo y camarada cu ta caracterisa nos isla.

 

Nos ta invita e comunidad bin y apoya incondicionalmente nos atletanan. Laga nos anima nos team di dammen durante Weganan Interinsular 2024.