Diabierna atardi a drenta informe na e Centro di Operacion  Maritimo di un accidente riba lama entre 2 boto na Spaanse Water, mesora wardacosta a dirigi 2 boto y e helicopter na e sitio. Riba un di e botonan accidenta tabata tin 2 persona, mientras den e otro boto tabata tin 4 persona. Den e boto cu tabata tin 4 persona 3 di nan a resulta levemente herida. A dirigi un unidad di ambulance na e sitio. E personal di e ambulance a indica cu e 3 personanan involucra mester bay visita nan dokter di cas pa ricibi mas tratamento medico. E di cuater persona ta encontra su mes perdi den lama. E otro 2 personanan di e otro boto a sali ileso. Unidadnan di wardacosta (2 barco y e helicopter), Polis, Capitania Portuario (HVI), CITRO y voluntarionan ta presente pa yuda den e buskeda. Actualmente,  buceadonan tambe ta yudando den e buskeda. Nos lo sigi informa.

UPDATE: Den oranan di mainta a logra recupera e curpa di e hoben di 16 aña cu tabata perdi despues di un accidente maritimo diabierna atardi. Un di e buceadornan a logra haya e curpa y a trece esaki riba awa pa pas’e den e boto cu lo trece tera firme. Na famianan di e fayecido ta bay nos mas sincero palabranan di condolencia.