Diaranson mainta a drenta informe di un accidente cu hende herida na Tanki Leendert, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un motociclista bayendo nort a haya un pick-up di direccion contrario a bay bira su dilanti sin dun’e preferencia y pa no dal riba dje a kita na man robes y a bay dal frontal riba un otro auto y a dal abao. Debi na e impacto y e caida e motociclista a resulta herida. Na yegada di e ambulans nan a atende y transporte pa hospital.