Diahuebs anochi a drenta informe di un accidente riba Sasakiweg, mesora a dirigi un patruya na e sitio. Na yegada di e patruya a bin compronde cu un chauffeur a bay subi Sasakiweg na e crusada banda di Eagle Aruba Resort y despues a hala na man robes di e caminda y diripiente un auto biniendo duro lus paga a dal su tras. Ora polis a bay atende cu e otro chauffeur tabata asina burachi cu casi no por a para riba su pianan y a detene pa a core auto sin lus, bao influencia y ocasiona accidente. Afortunadamente ningun hende a resulta herida.