Diasabra madruga a drenta informe di un accidente cu hende herida na Santa Cruz. Mesora a dirigi tanto polis como ambulans na e sitio. Na yegada di e patruya a bin compronde cu chauffeur di un Chevrolet lo a bai na banda robes di caminda y a dal den un auto contrario. E chauffeur di e auto a resulta herida. Na yegada di e ambulans nan a atende e victima eynan mes. Polis a detene e chauffeur di e Chevrolet cu lo tabata bao influencia di alcohol. Y e patruya mes a hib’e Warda di Polis pa hasi alco-test. Polis a tuma datos di e accidente aki.