Awor area turistico tambe ta core peliger di atraco hasta den dia cla!
Diabierna mainta a drenta informe di un caso di atraco na e minimarket na Playa Linda Beach Resort na Noord, mesora a dirigi patruyanan na e sitio. Na yegada di e patruya a bin compornde cu di un caso unda un sospechoso lo a menasa y purba atraca Wine & Spirit Mini Market. E intento fracasa y e sospechoso a pasa man pa un botter di whisky y bay cu ne. Polis a drenta accion y cu ayudo di testigonan polis a logra pone man riba tres sospechoso den e area di Palm Beach. Ta trata di dos persona femenino y un persona masculino. Nan a ser deteni y hiba warda di polis na Shaba.
