Diadomingo madruga a drenta informe di un accidente cu hende herida na Boegoeroei, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda un chauffeur no a regula su velocidad ni a mantene distancia a bay dal tras di e auto su dilanti. Debi na e impacto e chauffeur cu a dal tras di e otro a dal su cabes. Na yegada di e ambulans nan a atende e victima na e sitio mes.
