Diadomingo madruga a drenta informe di un accidente na Hato, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda un chauffeur burachi coriendo un pick-up no a duna preferencia y a causa e accidente. Afortunadamente ningun hende a resulta herida. Polis a detene e chauffeur di e pick-up pa a core auto bao influencia y causa accidente.
