E controlnan aki tabata dirigi principalmente na charternan ilegal, comportamento peligroso di e seadoos, verificacion di e documentonan valido y di e equipo di seguridad abordo. Durante e controlnan, e ekipo di guarda costa a emiti un total di 39 multa pa diferente infraccion cometi.
E controlnan aki a ser hiba den colaboracion di Inspeccion di Seguridad Portuario, e Cuerpo Policial di Curaçao y Aduana. E autoridadnan a controla conhuntamente varios playa y bahia. E Guarda Costa lo tuma medidanan estricto durante e proximo inspeccionnan y tambe lo impone multanan si ta necesario. Den casonan mas pio, e boto lo ser embarga. Cumpli cu e reglanan y sigura bo mes di tin bo documentonan abordo.
Guarda Costa ta conseha tur propietario di boto pa nan realisa un mantencion regular di nan botonan. Segura di tin abordo suficiente equipo di seguridad y rescate e.o.: salbabida, flashlight, maletin di prome auxilio, suficiente awa, cos pa paga candela, radio VHF of telefon mobil bon carga. Wel ya boso sa prepara pa tur cos ta na ordo pa evita mal ratonan durante e proximo controlnan. Evita accidente riba caminda y situacionnan peligroso riba lama cu bo boto. Si bo mester ayudo, bo por yama Guarda Costa na 913 of via WhatsApp 510 0913.