Diaranson atardi a drenta informe di un accidente cu hende herida riba e Green Corridor, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente entre 4 auto unda velocidad halto ta e causa di e accidente aki cual un chauffeur no a ripara e señanan cu tin trabao andando un banda di e caminda. E chauffeur di e Honda suv a bay dal tras di un Honda Fit y consecuentemente e Fit a bal dal tras di un otro auto suv mandando esaki bay dal tras di e pickup su dilanti. Tanto e chauffeur como e ocupante di e Fit a resulta seriamente herida y na yegada di e ambulans a atende e victimanan y a transporta nan pa hospital.