Diabierna atardi a drenta informe di un inicidente riba lama na Eagle Beach, mesora a dirigi tanto polis como ambulans na e sitio. Na yegada di e patruya ya caba un ambulans a atende un mucha herida cu lo a herid’e cu e cabuya di e boei sinta patras di un adulto riba e waverunner. Esaki a ser haci na e sitio mes. Ademas di esey a bin compronde cu e personanan ey a bisa cu nan lo paga ora nan caba. Pero despues di e incidente nan no kier a paga. Entretanto esnan di e compania di huur wacerunner a repara e cabuya di boei. Polis a intermedia y nan a paga e huur.