ORANJESTAD – Riba diaranson, 15 di november 2023, entre 4:00 pa 5:00 or di madruga, lo tuma lugar na WEB, un cambio necesario den e sistema di control di motornanRECIP nobo, RECIP IV.

E proceso ta encera un ‘upgrade’ di e sistema automatico di control di e motornan y na final un test riba e planta completo. E upgrade ta necesario pa por establece comunicacion confiabel entre e sistema di control y su ‘backup.’ Pacontinuidad di e sistema di distribucion di coriente, e trabounan lo tuma lugar ‘on-line,’ es decir cu e suministro di coriente lo ta den funcion mientras cu ta ehecuta e trabounan.

Semper ta keda existi un posibilidad minimo cu por surgi interupcion di coriente mirando e magnitud y riesgonan envolvi cu e trabou. E departamentonan di Produccion, Ingeniero di Aplicacion di WEB en cooperacion cu partner Wärtsilä, lo tuma tur precaucion y coordina e trabou di tal forma pa evita cualkier incidente of interupcion di coriente.

Nos ta spera di por conta cu comprension di comunidad y di antemano ta ofrece disculpa pa posibel inconveniencia.

 

14 november 2023​​​​                    ​       WATER- EN ENERGIEBEDRIJF (W.E.B.) ARUBA N.V