ORANJESTAD (2 di november 2023) – Diahuebs atardi a conoce un ambiente di celebracion na Alhambra Mall cu e apertura oficial di e di dos Auntie Anne’s na Aruba. Gerencia, colega, invitado y publico a comparti e momento cu e porta di Auntie Anne’s a habri oficialmente tras un temporada di soft opening. Hopi local y turista cu ta fanatico di e marca di pretzel traha na man tabata ansioso pa e fecha aki yega.

Na Aruba, Auntie Anne’s a cuminsa na Aeropuerto Internacional Reina Beatrix na luna di juli 2014. Rapidamente a haya un acogida grandi entre e pasaheronan y keto bay ta e opcion faborito na e facilidad.

Auntie Anne’s a cuminsa na 1988 ora cu Anne Beiler a cumpra un stand na un farmer’s market na Pennsylvania, USA. El a keda traha riba e ingrediente y tecnica te cu el a perfecciona e formula. Y loke e tempo ey tabata un manera pa recauda fondo pa traha un centro comunitario, awendia ta un exito global cu mas di 2000 punto di benta na mas di 30 pais.

Entre e opcionnan delicioso riba su menu, bo ta haya naturalmente e pretzel traha fresco y cayente. E ta obtenibel den su version original, pero tambe den smaak di conoflok, rasenchi, jalapeño y pepperoni, entre otro. Tambe tin Pretzel Nuggets y Pretzel Dogs su so of cu keshi y jalapeño.

Tur esakinan por bay hunto cu e saus pa dip di bo preferencia, entre cheese, light cream cheese, caramel, marinara y hot salsa cheese. Auntie Anne’s tambe ta ofrece su popular limonada tradicional of cu smaak di strawberry, mango, cherry y mas. Como dessert, e mas popular ta e Cinnamon Sugar Pretzel. Tin tambe pa purba e dushi Auntie Anne’s Stix y Nuggets.

Gerente y personal di Auntie Anne’s na Alhambra Mall ta invita comunidad di Aruba pa bin conoce e smaak dushi di tur loke nan tin pa ofrece. Probecha specialmente di e promocion di BOGO (cumpra un, haya un gratis) riba e Original Pretzel cu ta valido entre 3 y 12 di november.

Auntie Anne’s ta habri tur dia di 9’or di mainta pa 9’or di anochi. Pa mas informacion, bishita e pagina Auntie Anne’s Aruba riba Facebook.