E encuentro di Partido MEP ‘BAN TOPA’ den districtonan di Aruba, ta un programa interactivo unda cu cantidatonan ta duna informacion actual, preguntanan ta haya contesta, y preocupacionnan ta wordo scucha. ‘BAN TOPA’ ta mas cu un reunion; e ta un oportunidad pa conecta, siña, y hunto bin cu ideanan pa un miho futuro di nos pais.

 

Dia 9 di November 2023, e pueblo di Noord y Aruba en general ta invita na Club Don Bosco pa un otro encuentro di ‘BAN TOPA’ cu ta cuminsa pa 6.30 pm.

 

Cantidatonan invita pa duna informacion riba e anochi aki ta, Minister Dangui Oduber, cu e topico di crecemento di turismo y maneho den tereno di salud. Parlamentarionan Ricky Hoek y Shailiny Tromp-Lee lo elabora riba e trabounan den Parlamento. Y Lider di MEP y Prome Minister di nos pais lo informa tocante nos recuperacion impresionante despues di e pandemia y e retonan cu nos pais ta enfrenta.

 

Den nomber di Partido MEP, Lider di MEP y Prome Minister di nos pais, Evelyn Wever-Croes ta invita pueblo di Noord y vecindario y Aruba en general, pa un otro encuentro di ‘BAN TOPA” diahuebs 9 di november pa 6:30 pm. Bo participacion na ‘BAN TOPA’ ta encurasha nos pa sigui cu nos mision pa un pais prospero y uni. Boso sosten ta nos forsa y determinacion.