Diahuebs madruga durante patruya banda di Santana di cacho a nota un boto pega na e canto. Ora a baha bay tira un bista mas cerca a bin descubri cu e motornan ainda ta cayente indicando cu ilegalnan lo a caba di drenta. Eybanda mes a bin descubri 8!salbabida riba tera. Mesora a alerta otro patruyanan como tambe guardacosta y hasta militarnan. Logicamente tambe e helicopter cu mesora a lanta bin yuda. A cuminsa controla a topa cu un Hyundai Getz preto perteneciendo na e sospechoso P, kende ta conosi pa trafica hende, pero un indocumenta tabata cube auto y a detene tambe y a confisca e auto. Buscando den Colony a bin haya alrededor di 10 ilegal y a detene nan tur hiba nan warda di polis. Lo mester tin mas pero den oranan di dia lo sigi buscanan, mientras e boto den oranan di mainta guarda costa lo bay sak’e.