Diahuebs atardi a drenta informe di un accidente cu hende herida entre Marriott cu Ritz Carlton, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente entre un auto y un brommer unda e auto no a duna e brommer preferencia y a dal e brommer. Debi na e impacto e motociclista a resulta herida. Na yegada di e ambulans nan a atende e victima y a transporte pa hospital.
