Diadomingo anochi a drenta informe di un accidente na Moko, mesora a dirigi un patruya na e sitio. Na yegada di e patruya acompronde cu aki ta trata di un dama chauffeur di un Nissan March cu a baha caminda y a bay dal riba un palo di lus lagando esaki ta colga den banda. E dama chauffeur mes a bay for di e sitio. Ora a controla e number a logra haya sa cu e auto ta di un dama cu durante di dia e tabata envolvi den un asunto di problema cu su pareha. Polis a bay na e adres di e dama y a logra hay’e na e cas. Mesora a detene y a bay warda di polis cun’e. Afortunadamente ningun hende a resulta herida pero algun cas den e area a perde nan coriente pa algun ora.