Diabierna atardi a drenta informe di un accidente na e crusada dilanti di Cayena Mall, mesora a dirigi un patruya na e sitio. na yegada di e patruya a bin compronde cu aki ta trata di un accidente pa falta di preferencia ora cu e chauffeur di un Kia Rio biniendo for di Sero Blanco a bay sali subi e crusada sin duna preferencia na un Hyundai Accent cu tabata bayendo pabao. Afortunadamente ningun hende a resulta herida.
