SEPTEMBER 2023 DEN COMPARACION CU 2019 Y 2022
Den luna di september 2023 nos destinacion a ricibi un total di 89.110 bishitante “stay-over”. Si compara luna di september 2023 cu september 2019 – cu tabata e ultimo aña normal di turismo, por mira cu Aruba a recupera 121% di locual a wordo ricibi na september 2019, cu ta indica un crecemento di 21%. Si compara september 2023 cu september 2022 por wak un crecemento di 12.4%
AVERAHE DI PATRONCHI DI GASTO PA CADA BISHITANTE DEN Q2 2023
Visa Credit card su averahe den gasto pa cada cardholder a yega na un suma di $625 den Q2 si compara cu $667 den Q1 2023. Mastercard su averahe den gasto pa cada cardholder a yega na un suma di $691 den Q2 si compara cu $740 den Q1 2023.
MERCADONAN Y CATEGORIANAN DI ACOMODACION
Den september 2023 76.3% di e total di e bishitantenan “stayover” pa Aruba a bishita for di Norte America, 6.7% a bishita for di Europa, 14.1a bishita for di Latino America y 3% tawata procedente di otro partinan di mundo.
Mirando e categorianan di acomodacion, den september 2023 26.4% di bishitante a keda den hotelnan European Plan, 17.3% a keda den hotelnan All-Inclusive, 28.3% a keda den Timeshare y 27.9% a keda den otro tipo di acomodacion, conoci tambe como vacation rentals.
VACATION RENTALS
Ta importante pa menciona cu A.T.A. tin acceso na un plataforma unda por wak e cantidad di cas, apartamento y villas cu ta wordo uza como vacation rentals como tambe e prijs averahe pa anochi, e ocupacion y un calculacion di e entrada cu esakinan ta genera.
Si compara september 2023 cu september 2022 por wak cu e prijs averahe di e acomodacionnan aki a crece cu 23% for di un prijs averahe di $200 pa anochi na september 2022 pa un prijs averahe di $245 na september 2023. Si compara september 2023 cu augustus 2019, por wak cu e prijs averahe di e acomodacionnan aki a crece cu 61%, for di un prijs averahe di $152 pa anochi na september 2019 pa un prijs averahe di $245 na september 2023.
Si compara september 2023 cu september 2022 por wak cu e ocupacion averahe di e acomodacionnan aki a subi cu 5 punto di porcentahe, for di un averahe di 45% na september 2022 pa un averahe di 50% na september 2023. Si compara september 2023 cu september 2019 por wak cu e ocupacion averahe di e acomodacionnan aki a crece cu 8 punto di porcentahe, for di un averahe di 42% na september 2019 pa un averahe di 50% na september 2023.
Den caso di entrada, si compara september 2023 cu september 2022 por wak cu e categoria a genera un crecemento den entrada di 61%. Si compara juli 2023 cu september 2019 por wak cu e categoria a genera un crecemento den entrada di 308%.
| Vacation Rentals | |||||
| 2019 | 2020 | 2021 | 2022 | 2023 | |
| ADR | $152.00 | $165.00 | $195.00 | $200.00 | $246.00 |
| Occupancy | 42% | 29% | 44% | 45% | 50% |
| Revenue | $ 4,850,537 | $ 3,594,936 | $ 7,828,333 | $ 9,056,541 | $ 14,969,576 |
| Source: A.T.A. (Transparent) | |||||
2023 (Esaki ta e YTD)
Te cu september 2023, Aruba a ricibi un total di 917.739, bishitante “stayover”, esaki ta un crecemento di 8.1%, compara te cu september 2019, unda a a ricibi 848,841 bishitante “stayover”. Si compara e prome 9 lunanan di 2023 cu e prome 9 lunanan di 2022, por wak un crecemento di 12.4%, bayendo for di 816.362 bishitante “stayover” pa 917.739 bishitante “stayover”.
