Diamars merdia a drenta informe di un accidente cu hende herida pazuid di e rotonde Palm Beach, mesora a dirigi tanto polis, bombero como tambe ambulans na e sitio. Na yegada di e patruya a bin compronde cu aki ta trata di un accidente unda cu saliendo for di e rotonde pa via di un otro auto e dama a perde control y a bay cay den un plas cu awa den e median. Bomberonan a rescata e dama for di e auto y a pone riba tera firme. Na yegada di e ambulans nan a atende e dama y despues a bay cu unb familiar pa un revision na hospital.