Diasabra madruga a drenta informe un accidente na LG Smith Boulevard dilanti waf. Mesora a dirigi un patruya na e sitio. Na yegada di e patruya a bin compronde cu chauffeur di un SUV lo a topa cu stepnan riba caminda y a brake pero e Suzuki Jimmy su tras no a brake na tempo y a dal tras di e SUV. Prome e chauffeur kier a regl’e entre nan mes ya cu e daño no tabata grandi pero a dicidi toch di yama polis y seguro. E chauffeur di e Suzuki Jimmy lo a bandona e sitio prome cu polis a yega pero polis tin e number di auto. Polis a tuma datos di e accidente aki y tin e caso bao investigacion.