Diadomingo madruga a drenta informe di un accidente cu hende herida na e caminda sera na Palm Beach, mesora a dirigi tanto polis como ambulans na e sitio. Na yegada di e patruya a bin compronde cu e motociclista a pasa door di un area di e caminda sera dal hekwerk benta abao. A busca e motociclista rond pero no por a mir’e. Un rato despues a señale den un canal coba den caminda unda despues di a dal abao cu brommer ela lora bay cay den e canal coba. Na yegada di e ambulans nan a atende e victima y a transporte pa hospital.