Diabierna anochi a drenta informe di un accidente cu hende herida dilanti ex-La Fama, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda e dama chauffeur sin rijbewijs biniendo for di Caya G.F. “Betico” Croes bayendo stret pariba pero no a para pa duna preferencia na e H1 biniendo di zuid den Adriaan Lacle blvd. Como cu e dama ta 5 luna na estado y e impacto tabata net na banda di e dama chauffeur a pidi ambulans presenta cu mas urgencia. Na yegada di e ambulans nan a atende e dama y a transporte pa hospital.