Diadomingo madruga un ambulans pasando den Pos Abao a bin topa cu un accidente cu a caba di sosode y a solicita pa polis presenta. Na yegada di e patruya a bin compronde cu e chauffeur bayendo pariba a perde control bay banda robes di caminda y dal riba un troncon. E impacto tabata fuerte y e chauffeur a resulta herida. Ambulans a atende cu e chauffeur y a transporte pa hospital.
