Diadomingo madruga a drenta informe di un accidente cu hende herida na Ponton, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda un scooter a bay pasa un auto y diripiente a hay’e cu step di bateria sin lus patras y a bin dal riba esaki y e manehador di e step a cay y a herida su mes. Na yegada di e ambulans nan a atende e victima y a transporte pa hospital.
