Diasabra anochi a drenta informe di cu tin un auto coriendo cu velocidad halto y den forma peligroso riba e Green Corridor, mesora a dirigi patruyanan pa intercepta e vehiculo aki. Polis a logra para e chauffeur aki na altura di Ser’i Teishi, eynan polis a hala atencion di e malcomportacion di e chauffeur den trafico. Despues di a scucha polis e chauffeur por a sigui su caminda den forma responsable.
