Diabierna net prome cu merdia a drenta informe di cu tin un auto di joyride blokea dilanti Citgo Tanki Leendert, mesora a dirigi patruyanan na e sitio. Na yegada di e patruya a bin encontra cu un dama na wiel mesora polis a detene. Segun por a compronde ela joyride e auto for di dilanti un cas na Papaya unda e dama a haya e yabi na e switch y a start bay cu e Hyundai H1 color oro A35497. Polis a solicita e vehiculo di transporte di detenidonan pa asina transporta e dama pa warda si polis. Tambe a cofisca e vehiculo pa mas investigacion.