Diabierna merdia a drenta informe di un accidente riba e caminda di Natural Bridge, mesora a dirigi tanto polis como ambulans na e sitio. Riba e caminda pa Natural Bridge mes nan no a topa nada pero un otro guia di tour a indica cu e accidente a sosode riba e caminda di Natural Bridge pa Andicuri y como cu ta dificila pa yega eynan cu e ambulans nan a pidi asistencia di e pick-up 4×4 di bombero y asistencia di e personal di bombero pa via e caminda di Andicuri nan yega na e sitio mas cercano y mas viable. E personal di bombero hunto cu e personal di ambulans a prepara e victima pa asina transporte den e baki di pick-up di bombero te na Ayo Rock Formation unda cu e ambulans tabata wardando riba dje. Unabes den e ambulans a transporta e victima pa hospital.