Dialuna mainta a drenta informe di cu tin un auto ta stroba contratistanan di coba banda di caminda dilanti Riu Palace, mesora a dirigi un patruya na e sitio. Na yegada di e patruya a bin topa cu un Toyota SUV RHD cu ta para riba un area sera y demarca pa trabaonan di cobamento cu lo mester ser haci awe, pero den oranan di mainta tempran aparentemente un chauffeur lo a yega y kibra e lint entre e baricadanan y a bay parkeer den e area. E contratista a coba tur otro parti for di tempran caba pero no por a sigui cu e trabao y a yama polis. Polis a pidi pa un takelwagen di Nagico pero despues di mas di 2 ora y mey ta warda takelwagen no a presenta, pero net na e momentonan ey a haya sa ta cual trahador a para eynan y cu esaki ta biniendo pa hala su auto. E ora ey numa un takelwagen a presenta y polis a nenga esaki ya cu a logra haya e chauffeur pa hala e auto. Aun asina despues di mas di 3 ora y mey e ora numa e chauffeur a presenta y a bisa di a haya e lint kibra y a para eynan.