Dialuna atardi a drenta informe di un accidente hit & run dilanti Eumar na Catiri, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda e chauffeur di un Honda CRV cu 2 diferente plachi number dikanti y patras no a regula su velocidad ni a mantene distancia a bay dal tras di un Kia Sportege. Den e impacto afortunadamente ningun hende a resulta herida. Despues di e impacto e chauffeur di e Honda a baha for di e auto lagando e yabi na e switch y algun otro pertenencianan, ela core bay na pia direccion nort. Polis a core busca rond pero no a encontra cun’e.