Diahuebs atardi a drenta informe di cu tin un pushi cu a subi un palo di coco y no kier baha na Sabana Basora, mesora a dirigi e equipo di rescate di bombero na e sitio. Na yegada di bombero a bin compronde cu aki ta trata di un pushi stima di e famia y cu a subi e palo di coco cu no kier a baha kizas pasobra tabata tin un fiesta di mucha of e calor reinante. Bomberonan a haci varios intento pa e baha pero nada, e pushi a keda riba e palo di coco e tabata hala banda pa banda sin baha. Ora a pone e trapi pa bomberonan subi gar’e e pushi a baha trankilamente y a bay den brasa di su doñonan!