Diahuebs mainta nos a ricibi e tristo noticia cu un gran persona, ex-polis y masha bon hende esta Laurens R. Figaroa naci dia 7 di February 1949 a fayece.

Hopi ta esunnan cu por conta un of otro anecdota cu e ex-colega, a duna hopi aña di servicio y dedicacion na su pais. Un mentor pa hopi den cuerpo policial y un persona trankil cu hopi pasenshi.

Figaroa tabata biba algun stap leu di warda di polis na rotonde di Noord, caminda unidad motorisa ta ubica na e momento aki.

Ultimo caminda cu Lau a traha tabata na strand politie caminda sigur hopi ta cord’e ainda.

Un golpi fuerte tanto pa su famia y su ex-coleganan, na nan nos di awe24.com ta extende nos mas sincero palabranan di condolencia.