Den masha mal tera e propaganda online di F.C.C.A. a cay cerca algun hende cu ta haya cu e propaganda pa un evento di nan proximamente unda ta mustra un dama di edad posiblemente cu un enfermedad cual ta hopi comun awendia. Ora mi a mira esaki mi a haya e ta fastioso pa esnan cu e enfermedad pero pio ta ora nan ta bisa cu esey NO TA SMART! E propaganda aki ta pasa asina hopi biaha tras di otro cu mi a haya un rabia riba dje. E cos a bira mas serio ora mi a scucha otro hendenan tambe ta papia di esaki na un cafeteria hopi frecuenta pa hendenan di edad ta pensa mesun cos. Esaki ta “bully” y no ta permiti! Mi ta sigur cu hopi mas hende ta pensa mescos cumi y cu esnan cu mi a scucha ta comenta. Mi ta spera nan stop esey y otro biaha pensa miho cu ofende hende di edad cu malesa! DANKI! Nos tur lo bira bieuw un dia y nos no sa kiko ta spera nos.
