Dialuna merdia a drenta informe di un accidente cu hende herida na e “T” weg Weststraat/ Santa Helenastraat, mesora a dirigi tanto polis comonambulans na e sitio. Na yegada di e patruya a bin compronde cu aki ta trata di un accidente unda e chauffeur di un Toyota Yaris cu no a regula su velocidad ni a mantene distancia a bay dal tras di un Hyundai Accent den cual tabata tin un dama na estado y tabata keha di dolor. Na yegada di e ambulans nan a atende e dama y a transporte pa hospital pa un control mas extenso.