Diasabra madruga a drenta informe di un accidente na e rotonde banda di Superfood, mesora a dirigi un patruya na e sitio. Na yegada di e patruya a bin compronde cubun chauffeur a baha caminda dal un palo di lus na e rotonde y a sigui core bay. Pa suerte tabata tin testigonan cu a wak kiko a sosode y a avisa polis mesora. Polis a haya e number marca, modelo y a hasta color di e vehiculo cu a bay pero asina mes den oranan di dia lo bay busca e material visual di e camaranan di seguridad den cercania pa asina persigui e chauffeur irresponsabel aki y detene pa su malcomportacion den trafico.