Diabierna atardi e team policial encarga cu joyriding y ladronicia di auto a subi riba caya y asina atrapa y detene algun sospechoso. Despues di cu ministerio publico a emiti buskeda y detencion di sospechosonan di ladronicia di auto e team special aki a sali piki algun sospechoso mas. Prome na Moko a detene un sospechoso, despues na Sero Janchi a detene un otro sospechoso ni algun minuut despues a detene un otro sospechoso mas na Sero Janchi. E team special aki ta trahando cu hopi dedicacion pa desmantela e gruponan cu ta comete e actonan aki. Esaki mester aplaudi y motiva e agentenan aki pa sigui cu nan excelente trabao!