E controlnan aki tin como obhetivo principal e presencia di documentonan valido di botonan y ekipo di seguridad a bordo di e botonan. La Guarda Costa tabata na e bahianan y playanan mas bishita pariba y pabao di e isla e ultimo finnan di siman pa realisa e controlnan. Durante e patruyahenan aki a emiti un total di 12 boet y a confisca un waverunner.

E patruyahenan di control ta ser realisa den colaboracion cu e Inspeccion di e Seguridad Portuario y polis di Curaçao. Durante e proximo controlnan, Guarda Costa lo tuma medidanan estricto y, si ta necesario, tambe lo parti boet, den casonan extremo, lo confisca e embarcacion. Guarda Costa ta solicita e capitannan pa nan tin nan documentonan na ordo y abordo como tambe e ekiponan di seguridad di nan boto.

Guarda Costa ta conseha tur propietario di boto pa nan mantene nan botonan cu regularidad. Pa nan tin abordo suficiente ekipo di seguridad y salbamento como: chaleconan di salvabida, foks (flashlight), caha di prome auxilio, suficiente awa, tanki paga candela (fire-extinguisher), radio VHF of telefon mobil (celular) carga . Evita accidentenan y situacion peligroso riba lama cu bo boto. Den caso cu bo mester ayudo, bo por yama Guarda costa na 913 of na App 510 0913.